Padayon pa nga gina-imbestigahan sang Jordan PNP ang kaso sang pagpatay sa isa ka babaye kag ginhaboy sa masiot nga bahin sang Veterans Village sa barangay San Miguel, Jordan, Guimaras.
Ini ang ginpahayag ni Police Sr. Inspector Carl Bepansos, hepe sang Jordan PNP.
Suno kay Bepansos nga wala sa gihapon makilala ang biktima nga ginapatihan ginhimuslan antis ginpatay.
Samtang, ginpahayag ni Bepansos nga posible ginhimuslan sa iban nga lugar ang biktima kag pagkatapos ginhaboy sa lugar kon sa diin nasapwan ang bangkay sini.
Nahibaluan nga base sa description, nagataas ang biktima sang 4’8; medium built ang panglawason, brown complexion, kutob sa abaga ang medyo kulong nga buhok; ginabanta naga-edad 20-25 anyos kag nakasuksok sang gray t-shirt kag maong nga skinny jeans.
