GINREKLAMO ANG PCSO | Empleyado sang Peryahan ginreklamo ang PCSO nga nagpadlock sang ila opisina apang sa ulihi ginbuksan man

791

BACOLOD CITY – Ginpa-blotter sang empleyado sang isa ka online company ang taga-PCSO nga nagpa-padlock sang ila establishment kahapon sang hapon sa dalan Burgos-Lacson, Bacolod City.

Nagpadulong sa Police Station 1 si Lito Estember, 26 anyos ang edad kag empleyado sang Global Tech Mobile On Line Corporation nga nahamtang sa JL Bldg., Burgos Lacson Streets, Bacolod City agud ipa-blotter ang ginkilala kay Major Manuel Fragina Sr., legal ang edad kag amo naman ang Executive Assistant VI Chief Nationwide – PCSO.

Suno kay Estember nga may mga las 3:30 kahapon sang hapon, nagpadulong ang grupo ni Fraginal sa ila establishment kag hinali na lamang naghambal nga “illegal kayo, hindi kayo nagbayad sang P100 million, illegal kayo.”

Ginpahayag sang complainant nga ginpadlock sang taga-PCSO sa pagpanguna ni Fragina ang tunga nga portion sang ila talatapan nga wala man lamang sang may ginpakita nga court order.

Dugang pa ni Estember nga matapos ginpadlock, ginbutangan pa sang tarpaulin ang ila talatapan nga may mga tinaga nga: “This establishment has been closed for violation of RA 9287” ukon illegal numbers game.

Apang, suno sa complainant nga matapos ang 30 minutos, ginbuksan man ni Fragina ang amo nga establishment, ginhukas ang tarpaulin kag gilayon nagbiya sa lugar./dyHB BACOLOD

Facebook Comments