BACOLOD CITY – Ginreklamo sa police sang isa ka nagasakay sa motor ang isa ka building nga under construction matapos nga diutayan na lamang ini nga naigo sang nahulog nga kabilya kahapon sang aga sa Brgy. 39, Bacolod City.
Ang tag-reklamo ginkilala kay Ricky Velasco, 50 anyos, pumuluyo sang Homebridge Subdivision, Brgy. 39, ciudad sang Bacolod.
Suno kay Velasco nga may mga las 9:38 kahapon sang aga, samtang nga ini siya ang sakay sang iya motorsiklo, nag-agi ini sa likod nga bahin sang amo nga building nga gina-construct sa Lacson St., Brgy. 39, Bacolod City.
Apang, pahayag ni Velasco nga ini siya ang nakibot sang may nahulog nga kabilya nga nagalaba sang 4 feet and 7 inches kag sa iya ang direksyon.
Pahayag sang tagreklamo nga diutayan na lamang ini nga naigo gani daku ang iya kakulba rason nga iya ginpablotter sa Police Station 1 ang responsible sa construction sang amo nga building./dyHB BACOLOD
