Temporaryo nga ginpasarado sang Provincial Environment Management Office (PEMO) South Cotabato ang isa ka tunnel sa Barangay Kematu sang T’boli sa diin may napatay nga isa ka minero sang Pebrero 23.
Suno kay PEMO Seigfred Flaviano nga ginahulat pa nila ang resulta sang joint inspection sang DENR-MGB kag sang LGU angot sa nasambit nga insidente.
Nahibaluan nga nasapwan nga wala na sang kabuhi sa sulod sang San Lorenzo Tunnel ang minero nga si Jovel Sawan Sugan sang barangay Desawo nga ginapatihan na suffocate.
Samtang sa tion nga mapatud-an nga may-yara sang kapabayaan ang operator sang mining tunnel may legal action sila nga himuon suno kay Pemo Flaviano tungod nabalhag sa ila nga kontrata nga kinahanglan gid nga seguraduhon ang safety sang ila nga minero sa tion nga magmina.
