TACLOBAN CITY – Usa nga 20 anyos senior high school student an sumurender ha mga kapulisan matapos pusilon niya an usa nga 56 anyos nga municipal electrician ha Brgy. Cayare, San Miguel, Leyte kakulop, August 29.
Subay ha report han Police Regional Office 8, ginkilala an biktima nga hi Artemio Brazil, 56 anyos, usa nga electrician ha LGU San Miguel, residente ha nasabi nga lugar.
Ginkilala naman an suspek nga hi Greg Labaclado, 20 anyos, senior high student, residente ha Brgy. Bairan, San Miguel, Leyte.
Subay ha imbistigasyon han mga otoridad, naninilhig hi Artemio ha atubangan han ira panimalay han komprontahon ini han suspek nga hi Greg.
Ginkuha ni Greg an pusil nga naka tucked-in ha iya lawas ngan ginpusil ha ulo hi Artemio nga nagresulta han pagkamatay hini.
Sumala kan PMsgt. Rico Cañeda, imbistigador han insidente, gintitinamay daw ni Artemio hi Greg nga pobre sanglit natabo an krimen.
Narekober ha crime scene an Cal .38 nga pusil nga gin gamit han suspek.
Maatubang an suspek hin murder nga kaso.
