GINTIRO | Driver sang e-bike gintiro sang makaapat ka beses patay

BACOLOD CITY – Napatay ang isa ka driver sang e-bike matapos nga ini siya ang gintiro mga las 8:30 sini gid lamang nga aga sa sa Venus St., Hillside Subd., Brgy. Mansilingan, Bacolod City.

Nakilala ang biktima nga si Rommel Reyes, 36 anyos ang edad, pumuluyo sang Brgy. Blumentritt, banwa sang Murcia.

Ginpahayag sang upod ni Rommel nga si Michael Trinidad, 22, nga magka upod sila nga naga park sang biktima sa amo nga lugar sang may nag-abot nga lalaki sakay sa motorsiklo.


Ang amo nga suspek ang may ginpamangkot kay Rommel kag ginsundan ini sang pagpalupok sang apat ka beses sa biktima.

Naigo s aiya ulo kag pila ka bahin sang iya lawas ang biktima nga nagresulta sang iya kamatayon, samtang gilayon naman nga nagpalagyo ang suspek.

Angut sini, ginpahayag sang hepe sang Police Station 7 nga si Police C/insp. Ramil Sarona nga gilayon sila nga nagpatigayon sang imbestigasyon sa motibo sang krimen./ Campus Graphic photo

Facebook Comments