Patay ang isa ka empleyado sang Softdrink Company sa Ungka, Pavia matapos luthangon sang wala pa makilala nga suspek.
Ginkilala ang biktima nga si Jethro Ferrer, 29 anyos sang East valencia, Buenavista, Guimaras.
Ginluthang ang biktima pasado alas 6 sang gab-i (Enero 18) sang nagaisahanon nga suspek nga madasig nagpalagyo sakay sa motorsiklo.
Gindala naman sa Western Visayas Medical Center ang biktima apang gindeklarar nga dead on arrival bangud sa iya naagum nga pilas sa ulo kag tiyan.
Padayon pa nga ginaimbestigahan sang Pavia PNP ang motibo sang nasambit nga pagpatay sa biktima.
Facebook Comments
