HINIGARAN, NEGROS OCCIDENTAL – Tubtub sa karon ginapamensar pa sang biktima nga lalaki kon bala ano ang rason ngaa ini siya ang gintiro sang isa ka suspek kagab-i sa banwa sang Hinigaran.
Ang biktima nakilala kay Jose Mahinay, 25 anyos ang edad, soltero kag pumuluyo sang Burgos St., banwa sang Hinigaran.
Suno sa biktima nga pasado las 8 kagab-i durante nga ini ang nagalakat sa dalan, hinali na lamang ini siya nga ginpalapitan sang suspek nga iya lang nakilala kay Alyas Art.
Wala sang kon ano man nga komosyon, hinali na lamang ini siya nga gintiro ang suspek kag ini ang naigo sa iya wala nga abaga.
Pasado la una na kaina sang kaagahon sang gindala sa Corazon Locsin Montelibano Memorial Regional Hospital ang biktima kon diin padayon pa ini karon nga ginabulong./ Not the actual photo
