CAUAYAN, NEGROS OCCIDENTAL – Nasapwan na gid lamang sa higad sang dalan ang isa ka lalaki nga biktima sang pagpangluthang mga las 2:30 sini nga kaagahon sa Brgy. Inayawan, Cauayan, Negros Occidental.
Nakilala ang biktima nga si Jopeth Alic, 35 anyos ang edad, residente sang Purok 6, Abada Street, Brgy. Inayawan, Cauayan.
Suno sa imbestigasyon sang Cauayan PNP mga las 11 kagab-i ang biktima nagasakay sang iya Toyota Vios upod ang nakilala kay Ana Chris Tanusay, 27 anyos kag 4 ka tuig nga bata.
Nagpundo ang biktima sa kilid sang dalan agud nga magpangihi apang pagkatapos sang pila ka minuto, may nag abot nga isa ka van, may nagpanaug nga isa ka lalaki kag hinali na lamang ini sya gin-kumprontar.
Ini ang nagresulta sang mainit nga paglalisay sang biktima kag sang amo nga lalaki gani nagpatunga si Ana Chris agud nga mag-pacify.
Ang biktima dali-dali nga nagsakay sa iya awto, ginpalakat ini kag iya ginbayaan si Ana Chris.
Mga las 2:30 sang kaagahon sang nakita ang biktima nga nagakayaon sa higad sang dalan kag may igo sang bala sa nagkalain lain anga bahin sang iya lawas.
Gindala pa sa Sipalay District Hospital ang biktima apang ini ang gin-pronounce dead on arrival.
Sa karon padayon pa nga gina-imbestigar sang mga katapo sang Cauayan PNP ang amo nga kaso./dyHB BACOLOD
