PALO, LEYTE – Ginpakilala na ha media an bag-o nga gintudlok han Leyte Province kumo General Manager han LMWD, hiya hi retired police officer Adolfo Lim Olaya.
Ha sakob han 34 ka tuig nga naging pulis hi Olaya, 19 katuig dinhi in naging hepe hiya. Nag-gradwar hi Olaya ha kurso nga Masters in Management.
Sanglit sumala kan Adolfo Olaya, qualified hiya nga maging General Manager han LMWD.
“so ini la nga eksperyensya parte han pag-manage, tawo it ak kinakaptan, so qualified siguro ako.”
Ginkuha naman liwat han RMN an side ni LMWD General Manager Pastor Homeres nga gin-appoint naman han Tacloban City Government.
“Actually ok la ito, that’s the right to do that. Ini man gud nga problema is already in the court, let the court rule regarding this.”
Ha pagka-yana duha an General Manager han LMWD, maghuhulat anay han desisyon tikang ha Korte Suprema kun hin-o an papaburan, Leyte Province o an Syudad han Tacloban.
