Matud ni Engr. Joseph Dominic Felizarta, City Engineer’s Office (CEO), sa maong sulat gamiton na sa SPMC ang maong area alang sa pagatukurong Admin Building ug Social Services Building.
Ang nahimutangan usab sa maong mga vendors magsilbing entrance ug exit sa maong mga proyekto.
Gibutyag ni Felizarta nga dili kwalipikado sa census tagging ang mga apektadong vendors ug wala usab relocation kanila.
Sumala niini, hagbay na ang planong demolition sa area apan gihatagan lang og lugway.
Tungod kay gamiton na ang lugar nagpakanaog si Felizarta og notice of demolition nga gilagdaan usab sa Ancillary Services Unit ug City Transport and Traffic Management Office diha sa mag-demolish sulod sa pito ka adlaw apan tungod kay wala kini nahimo sa mga vendors busa nilusad na sila sa demolisyon sa area.
RadyoMaN Aimee Guinita
