Gipangsirad-an nga dalan atol sa bomb drill abri na

66

Davao City – Gikumpirma karon sa City Transport and Traffic Management Office kun CTTMO nga abri na ang dalan sa may San Pedro ug Bangkerohan ning syudad sa Davao human sa gilusad nga bomb drill karong buntaga.

Sa pakighinabi sa DXDC RMN Davao kang CTTMO chief Dionisio Abude, bisan pa man nahuman na ang gihimong drill subay usab sa pagpangandam sa seguridad alang sa 33rd Kadayawan sa Davao, bug-at karon ang dagan sa trapiko sa mga nag unang kadalanan sa dakbayan.

Subay niini nangayo og pagsabot ang CTTMO ngadto sa mga commuters kabahin sa maong panghitabo diin matud pa alang usab kini sa kaayuhan ug sa seguridad ugaling adunay mga pagpanghulga o pag atake sa syudad sa Davao.

Kahinumduman nga gisugdan ang simulation bomb exercise sa Public Safety and Security Command Center kun PSSCC uban ang ubang security forces sama sa TFD, DCPO, BFP, Central 911, K-9 unit, bomb squad alas 6:00 kaganinang buntag sa Bankerohan ug sa may Davao City Hall.

RadyoMaN Renz Barbarona

Facebook Comments