General Santos City–Gipasalamatan ni Fighting Senator Manny “Pacman” Pacquiao ang painitong pagsugat kaniya sa katawhan sa Gensan ug Sarangani dungan sa iyang pag-abot sa syudad kagahapong adlawa gikan sa Kuala Lumpur Malaysia.
Gipasalamatan usab niini ang tanang katawhang Pilipino nga nag-ampo gyud alang sa iyang kadaugan batok kang Lucas Matthysse.Samtang nagpasalamat usab Si Pacman sa mga opisyal nga nahidangat gyud sa Malaysia aron personal nga mutan-aw sa iyang laban.
Gihingusgan ni Sen. Manny Pacquiao nga ang pagpalukapa niini kang Matthysse usa ka timailhan nga siya dili pa laos sa natad sa boxing.
Aminado si Pacman nga daghan gyud ang mga nagduda sa iyang katakos sa kasamtangan gumikan siya edaran na apan sa iyang performance sa bag-uhay lang nahuman niyang laban iyang gipakita nga nibalik ang iyang kusog ug kapaspas.
Nasayran nga una nang gibutyag sa Fighting Senator nga dili pa sya moretiro ngadto sa Boxing luyo paman sa mga panawagan nga angayan na niyang undangan ang pagkatkat ibabaw sa ring.
