Nakurat ang mga pulis sa Talomo PNP tungod kay imbis ang gibaklad nga dalaga ang mureklamo, ang namaklad na hinuon maoy nagpatala sa presinto ss kapulisan.
Sa blotter sa Presinto tres mipatala si alyas Clent 31, salesman ug renter sa Catalunan Pequeno, Davao City tungod kay gipasanginlan sya nga nanglili sa iyang ka boardmate nga dalagang maestra sa dihang naligo kini sa banyo alas tres sa kaadlawon.
Gipanghimakak sa salesman nga wa gyud daw sya manilip sa maestrang dalaga nga ginganlag Ellen, 24 anyos tungod kay igo lamang kuno syang nangihi sa pikas kwarto sa ilang comfort room.
Natingala na lamang kuno sya nga mikalit sa pagsyagit ang maestrang dalaga ug nagpakitabang nga dunay manyakis namaklad rason nga dali usab syang migawas sa c.r.
Apan daling mipahimangno ang mga pulis ngadto sa salesman nga ilang damputon kini kun ugaling mureklamo usab ang maestra sa maong panghitabo. (Kasamang Erin Lumosbog)
