*Gisusi karon sa gitukod nga Task Force Ungab ang nakuha nga kasayuran nga nakadawat ug hulga sa iyang kinabubi si Ronda Vice Mayor , Atty. Jonah John Ungab sa wa pa mahitabo ang pag-ambush ug pagpatay niini kagahapon.*
*Ang pangu sa Task Group nga si Supt. Ryan Devaras nibutyag nga makig-alayon sila sa PNP Cybercrime Group -7 nga giingong didto nagpablotter si Ungab sa nadawat niiini nga hulga , aron pagsuta kung makatabang ba kini sa imbistigasyon .*
*Sa kasamtangan anaa pa lang sila karon sa 50% sa ilang imbistigasyon sa pagpatay ni Ungab .*
*Tulo gihapon ka anggulo ang gisubay sa kapolisan sa pagpatay ni Ungab ug kini mao ang iyang trabaho , personal og may kalabutan sa iyang pagkapolitiko.*
*Gitinguha usab sa task force nga makuha nila ang cellular phone ni Ungab nga naa pa sa kabanay niini , sa pagtoo nga makakuha sila ug mahinungdanong impormasyon sa krimen .*
