Gihatud na ngadto sa katapusang pahulayan ang gipatay nga pulis nga si Police Captain Delfin Bontuyan .
Si Bontuyan gipusil niadtong Mayo 21 diha sa North Reclamation Area samtang mopauli na kini gikan nga nitambong ug hearing sa Palace of Justice sa Qimonda Buiding.
Ang iyang anak nga si Christine Claire Bontuyan SK Chairman sa Talamban nihatag ug ulohiya alang sa iyang amahan diin nagpasalamat kini sa mga tawo nga nisimpatiya sa ilang pagbangutan ug sa mga tawo nga nisugilon sa ilang mga estorya nga natabangan sa iyang amahan.
Ang misa gihimo sa San Isidro Labrador Parish sa Talamban ug gilubong dayon kini sa Angelicum Garden of Angels sa Canduman Mandaue City.
Sa wa pa siya isud sa lubnganan nilanog una ang 21-gun salute nga gihatag sa Philippine National isip katapusang pagsaludo ngadto ni Bontuyan nga nagsilbi sa PNP sud na sa kapin 30 ka tuig.
Ang mga sakop sa pamilya ,ug higala ni Bontuyan nagsul-iob ug t-shirt nga puti nga adunay pulong “No Retreat , No Surrender” atol sa lubong.
