South Cotabato – nakatilaw ug sulod sa silda sa kapulisan ang usa ka sundalo human kining nalambigit sa bangi sulod sa Paparoni Resto Bar nga nahimutang sa Arellano Street, Barangay Zone 3, Korondal City alas 12:00 pasado ang takna sa tungang gabie sa nakalabayng adlaw.
Giila ang nasangpit nga sundalo nga si PFC Mark Anthony Dagohoy, 29, sundalo ilawom sa 27th Infantry Battalion, Philippine Army nga nakabase sa Tupi, South Cotabato.
Sa inisyal nga report sa Koronadal City PNP nasayran nga may nakabingkil ang nasangpit nga Sundalo sulod sa bar nga mao si Louie Saludares, 26, nga taga Barangay Zone 3, Koronadal, gumikan sa hilabihan kasuko iyang gikuha ang iyang pusil sa iyang sakyanan apan naharang kini sa gwardya ug gikuha ang pusil niini.
Subling nibalik matud pa ang sundalo sa iyang sakyanan ug nikuhag laing pusil nga maoy iyang gigamit sa paghapak sa ulo sa biktima. Tungod niini gidakop ang sundalo ug gibalhog sa silda sa Koronadal Police Station apan gibuhian ang nasangpit human nga wala may planong mupasang-at ug kaso ang biktima.
