Sultan Kudarat—Patay ang usa ka sundalo samtang samdan ang kaubanan niini human gipusil sa wala pa mailhing suspetsado didto sa Lambayong, Sultan Kudarat.
Giila ang namatay nga sundalo nga si Cpl. Ruel Dordas, residente sa Isulan, Sultan Kudarat ug nakabasi sa 33rd Infantry Battalion, samtang ang angol giilang si Sgt. Julhaiv Adijol.
Subay sa inisyal nga imbistigasyon sa kapulisan nasuta nga sakay ang duruha sa motorsiklo kung asa ilang gilatas ang dalan sa Barangay Tinumigues apan pag abot sa Crossing Sigbol, kalit lang mibutho ang duha ka mga suspek nga sakay sa motorsiklo dayon gipamusil ang mga biktima.
On the spot Patay si Dordas samtang nakadagan pa ang kaubanan niini ug nakapangayog tabang. Paspas usab nga mikagiw palayo ang suspek human sa krimen.
Sa karon nagpadayon pa ang gihimong imbistigasyon sa nasangpit nga insidenti.
