General Santos City—samad sa paa ang naangkon sa usa ka 18 anyos nga
lalaki nga giilang si Alias Keneth, 18, residenti sa Diamond Valley,
Barangay Tambler Gensan human nga napusilan sa gwardya nga si SG
Tangub nga nakabase sa RRFC Compound nga nahimutang sa Purok Banisil,
Barangay Tambler Gensan, alas 11:05 ang takna sa gabie niadtong
Sabado, March 17, 2018.
Subay sa inisyal nga report sa Tambler PNP nasayran nga misulod ang
nasangpit nga batan-on sa compound sa RRFC dayon iyang gikuha ang usa
ka unit sa battery sa sakyanan.
Tungod niini nagwarning shot ang gwardya aron unta pugngan sa pagsibat
ang suspek apan midagan ang nahisgutan mao nga kini gipusil sa gwardya
igo sa iyang paa.
Gilayon man nga gidala sa ospital ang batan-on ug gipailawom na karon
sa medikasyon. Sa karon padayon pa ang imbistigasyon sa kapulisan
kalabutan sa maong insidenti.
Read more:https://rmn.ph/dxmd927gensan/
rmn.ph/
