General Santos City—patay ang 17 anyos nga lalaki human kining gipusil sa wala mailhing suspek alas 8:30 ang takna kagabie sa usa ka bilyaran nga makaplagan sa Purok 10 Phase 2, Mangga St., Lanton, Apopong ning syudad.
Biktima itago lang sa pangalang alias Rondel, 17, residenti sa purok 15, Lanton, Barangay Apopong ning syudad.
Subay sa inisyal nga imbistigasyon nasuta nga nag tan-aw ug Billiard ang nasampit nga biktima, pila ka minutos ang milabay, nagsabot sila sa iyang mga amigo nga mangita ug damang apan kalit lang miabot ang duha ka mga suspetsado nga nakamotorsiklo dayon gipusil ang biktima pila ka higayon nga hinungdan sa iyang kamatayon.
Paspas nga misibat ang mga suspek samtang ang biktima wala na madala sa ospital. Subay sa pahayag sa mga testigo ayha nihawa sa lugar ang mga suspek nisampit pa kinig pulong nga “Pangawat pa mo”.
Sa karon ang kapulisan sa Police Station 2 naghimo nag makuting imbistigasyon kalabutan sa maong insidenti.
