Gireklamong maestro wala muatubang

22

Davao City- Wala muatubang ang maestro sa amahan sa estudyanteng grade 12 nga buot magpakamatay tungod kay nabagsak sa iyang grado sa Daniel R. Aguinaldo National High School.

Nagpatabang sa DXDC RMN Davao si Alyas Toto ang amahan sa estudyanteng babaye aron mahatagan ug katin-awan kun nganong gimahay sa biktima ang iyang magtutudlo sa subject nga entreprenuer rason sa iyang buot nga pagpakamatay.


Nasayran sa amahan nga wala kapasar ang iyang anak sa maong subject bisan pa kuno ug nagpakiluoy na kini sa maong magtutudlo rason nga niadtong Lunes sa kaadlawon mao nalang iyang naabtan sa kusina nga nagbola-bola ang baba sa iyang anak tungod kay miinom ug pesticide.

Daling gidala ang biktima sa Southern Philippines Medical Center ug ang doktor nga unang mihiling sa estudyante maoy nakamatikod nga adunay pangalan nga nakasulat sa bukton niini nga pangalan diay sa iyang maestro.

Ang biktima anaa pa karon sa SPMC padayon pang giobserbahan.

Giubanan sa RMN News Team ang amahan nga si Alyas Toto sa DRANHS apan wala muatubang ang gireklamo nga maestro hinungdan nga nagdesisyon ang principals office nga i-schedule na lamang sa laing adlaw karong semanaha ang dyalog tali sa ginikanan ug maestro.

RadyoMan Erin Lumosbog

Facebook Comments

From Advertisers