General Santos City—Midangop sa buhatan sa City Permits and Licensing Office ang pipila ka mga reklamante aron i-reklamo ang usa ka Travel Agency human matud pa nga nagapamaligya kini ug peke nga ticket sa eroplano.
Ang gireklamong Travel Agency mao ang Janette Travel Agency and tours nga nahimutang sa barangay South, Gensan.
Base sa pahayag ni Geraldine Zamora ang labaw sa City Permits and licensing Office nga kapin 30 ka mga reklamante ang midangop sa iyang buhatan aron isumbong ang maong travel agency.
Bitbit sa mga nasangpit ang mga ticket sa eroplano nga ilang napalit nga sa maong travel agency pinaagi sa internet.
Tungod niini naghimo gilayon ug aksyon ni Zamora diin personal niining giinspection ang maong travel agency uban sa iyang mga sakop.
