General Santos City – Gironda sa hiniusang pwersa sa kapulian nga gilangkuban sa Police Station 2, City Intelligence Branch (CIB) , RMFC, ug uban pang unit sa kapulisan ang usa ka panimalay sa may Purok Kulasi, Barangay Labangal kung asa mukabat sa 92 ka box nga smuggled nga sigarilyo ang nakumpiska sa kapulisan.
Gipangunahan nilang ni Police Regional Office 12 director Chief Supt. Marcelo Morales ug GSCPO OIC City Director Police Senior Supt. Raul Supiter ang pagronda sa panimalay sa usa ka Toto Malik nga nahimutang sa Purok Kulasi, Barangay Labangal ning syudad pinasikad sa search warrant nga gi-isyu ni Hon. Judge Oscar Noel Jr. sa kasong pagsupak sa illegal importing of smuggled cigarettes.
Narekober gikan sa panimalay sa suspek ang 92 ka karton sa Gudang Baru, usa ka matang sa sigarilyo nga gikan sa nasud indonesia.
Ang operasyon sumpay sa pagkasikop sa usa ka Indonesian National niadtong nakalabayng adlaw sa baybayon nga bahin sa Purok Kulasi, Barangay Labangal kung asa mukabat ngadto sa 39 usab ka box ang nakumpiska sa kapulisan.
