Luwas na sa gobyernong ospital ang lalaki nga gitigbas sa iyang amigo nga hubog niaging gabie sa Purok 1 Barangay Katangawan.
Ang biktima nga samaron sa pagpanigbas giila sa panglang Jovel Agrava 53 anyos residente sa maong lugar nga may samad sa iyang ulo og liog.
Sa inisyal nga imbistigasyon sa Tinagacan Police Station nasuta nga nagtagay og ilimnong makahubog ang biktima uban sa iyang mga kaubanan sa trabaho didto mismo sa maong lugar.
Dihang nahubog naglalis ang biktima ug ang suspek nga misangko sa pagpanigbas samtang malampuson usab nga nasikop ang suspek sa kapulisan nga mirespondi sa lugar ug balhog na karon sa silda.
Sa karon gihuwat nalang sa kapulisan ang desisyon sa biktima kung iya bang pasakaan ug kaso ang suspetsadong amigo.
www.facebook.com/ifm91.9Gensanofficial
