Gipasakaan nag kasong Rape with Homicide sa kapolisan sa Macabalan Police station ang usa ka lalaking nga gitudlo nga maoy nagpatay ug naglugos sa usa ka Tomboy sa Barangay Puntod ning syudad.
Matud ni Police Executive Master Sergent Ricky Bagas sa Macabalan Police station nga ilang gipasaka mga alas 2 sa hapon sa City Prosecutor’s Office ang maong kaso batok sa suspect nga Daniel Bagubaldo pinaagi sa Inquest Proceedings.
Kini tungod kay si Bagubaldo, maoy gitudlo sa pamilya sa biktima nga maoy nagpatay ug naglugos sa tomboy nga si Rachele Manahan nga ang iyang patay nga lawas, nakit-an sa mga pulis nga baho na ug gisulod sa septic tank sa sagboton nga yuta sa pamilyang Tamparong sa Barangay Puntod.
Matud ni Bagas nga sulod sa ilang silda sa Macabalan si Bagubaldo, nagpa buang buang kay mikaon kinig karton.
