General Santos City—Patay sa gihimong search operation sa hiniusang pwersa sa Police Regional Mobile Force Battalion, City Intelligence Branch ug Police Station 2 ang gituohang sakop sa namatay nga Founder sa grupong Ansar Al Khilafa Philippines nga si Mendoro Tacbil, 45 anyos nga nanimuyo sa Lanton, Barangay Apopong, Gensan alas 3:15 ang takna sa kabuntagon .
Sa pahayag ni Police Sr. Inspector Robert Fores, Deputy Chief Of Police sa Police Station 2 nga nisukol matud pa ang suspek sa raiding team gani nakig-pinusilay pa ang nasampit nga suspek ngadto sa kapulisan hinungdan sa iyang kamatayon.
Nakaangkon ug samad sa ulo ug sa ubos nga bahin sa iyang dughan ang suspek. Nasayran nga gidala pa kini sa ospital apan gideklara na kining dead on arrival.
Narekober sa maong ronda ang kalibre 45 nga pusil ingon man Uzi.
