General Santos City—Sikop sa kapulisan sa pagpanguna ni Police Senior Inspector Robert Fores, Deputy Chief Of Police sa Police Station 2 ang usa ka amahan kansa milugos sa 13 anyos niining anak human nga mireklamo ang biktima human sa gihimo kaniya sa suspek.
Kahibaluan nga bandang alas 2:45 sa hapon una nang mireklamo sa maong buhatan ang 13 anyos nga batang babaye nga itago sa pangalang Maureen nga taga Barangay Labangal, human kini gilugos sa iyang kaugalingong amahan nga itago sa pangalang Tommy , usa ka warehouse man sa usa ka dakong mall sa syudad.
Subay sa sumbong sa biktima sa kapulisan siya ginahilabtan sa iyang amahan higayon nga sila lang duha sa ilang balay.
Dili niya madawat nga amahan ra niya ang midaot sa iyang kinabuhi mao nga siya misumbong sa kapulisan aron nga kini ipapriso.
Sa karon ginaandam na sa kapulisan ang kasong ipasang-at batok sa suspetsado.
