Davao City – Giuyonan sa usa ka magtutudlo sa Davao City National High School ang planong pagbalik sa curriculum sa subject nga Good Moral and Right Conduct (GMRC).
Pabor si Balik-Eskwela Program Coordinator Maricor Dalisay sa pagbalik sa subject nga GMRC aron sa ingon ma-umol ug matudloan sa maayong pamatasan ang kabataan karon.
Matud ni Dalisay, lahi na kaayo ang batasan sa mga estudyante karon, kung itandi kaniadto nga makamao magrespetar sa mga magtutudlo, apan karon wa na’y maayong pamatasan ang mga bata karon.
Sa obserbasyon ni Dalisay, ang dili maayong pamatasan nga gipakita sa kabataan sa katilingban ug eskwelahan, dala kini sa dautang impluwensiya sa social media sa panghuna-huna ug batasan sa mga estudyante karon. Busa dakong tabang ang pagtudlo og balik sa GMRC aron maundang ang dili maayong kinaiya ug mabalik ang maayong pamatasan sa kabataan karon.
RadyoMaN Joel Viray
Facebook Comments
