Naalarma na si Cebu Governor Hilario davide III sa sunod –sunod nga pagpatay sa mga opisyal sa lungsod sa San Fernando .
Reaksiyon kini ni Davide human sa nahitabo nga pag-ambush sa gisakyan nga Super Grandia van ni Mayor Lakambini Neneth Reluya sa Barangay Linao Talisay kagabii, Enero 22 .
Si Mayor Reluya nasamdan atol sa hitabo ug anaa sa ospital apan luwas ra ang kahimtang.
Apan ang iyang bana nga si Panadtaran Barangay Kapitan Ricardo Nonoy Reluya Jr. namatay sa ambush ingon man ang driver nga si Allan Bayot ug tourism officer sa lungsod nga si Ricky Monterona .
Ang mga laing nasamdan gawas sa mayor mao sila si Giovani Perez ug Tolentin Jefer.
Naglaum si Davide nga paspasan sa kapolisan ang imbistigasyon tungod kay nagsunod-sunod na ang pagpatay sa mga opisyal sa San Fernando ug aron matumbok ang mga motibo niini .
