Naniudto ug lechon sa merkado-publiko sa dakbayan sa Carcar si Gobernador Gwendolyn Garcia .
Gustong ipakita sa gobernador nga tinud-anay nga lamian ang lechon sa Carcar diin naila usab ang syudad , human niadtong pipila ka vendor nga gireklamo sa mga netizens sa lain laing kalapasan .
Kauban ni Garcia nga naniudto sa usa sa mga lechon stall, si Mayor Mercedita Apura , Bise Mayor Nice Apura , Bokal Yolly Daan ,ug Konsehal Patrick Barcenas.
Gidayeg ni Garcia ang pagdisiplina ni Mayor Apura pinaagi sa pagsira sa upat ka mga stalls nga nakahimo ug lain-laing kalapasan ,aron mahimong ehemplo ngadto sa ubang mga vendors.
Lakip sa gipasirhan ni Apura mao kadtong gireklamo sa netizen ug nagviral diha sa Facebook.
Nagtoo si Garcia nga human sa maong kontrobersiya ug pagpakita ug political will sa mayor pagpasira sa mga stalls, di na masubli ang maong mga reklamo .
