General Santos City—abli ang gobyerno sa Sarangani Province alang ngadto sa mga miyembro sa NPA nga buot musurender sa sabakan sa gobyerno.
Sumala ni Sarangani Governor Steve Chiongbian Solon nga sila sa Sarangani andam mutabang ngadto sa mga miyembro sa NPA nga gusto nang manginabuhing normal nga wala nagtago-tago sa tinugyanan sa balaod uban sa ilang pamilya.
Adunay igong tabang matud pa ang nasyonal nga panggamhanan ug ang probinsya nga naghuwat ngadto kanila.
Dugang pa ni Governor Solon nga iyang nasabtan ang baruganan sa maong grupo kaniadto tungod anaa pa ang isyu sa kurapsyon, apan karon nga si Pangulong Rodrigo Duterte na ang pangulo, wala nay isyu sa korapsyon mao nga wala na usay rason nga magpabilin pa sa kabukiran ang mga rebeldi sanglit mas maayong ila nalang bitbiton ang ilang mga armas ug manginabuhi nga normal uban sa ilang pamilya.
