General Santos City— Layo na ang naabot sa dakbayan sa gensan sulod sa 50 katuig. Kini ang gibutyag ni Gensan City Mayor Ronnel Rivera.
Sumala niya nga pagsaulog sa dakbayan sa ika-50 katuig nga anibersayo isip chartered city iyahang gikalipay ang kalambuan sa ekonomiya sa Gensan gani gikonsidera kini isip business hub sa rehiyon 12.
Panghinaut man usab ni Mayor Rivera nga mapadayon ang maong kalambuan sa dakbayan kung asa iyahang gikalipay nga bisan ug anaa sa tumoy sa Mindanao ang Gensan nailhan kini sa tibuok kalibutan dili lang gumikan sa produktong Tuna kundili pinaagi sa uban pang tanyag sa dakbayan sama sa mga maanindot nga festival.
Kahibaluan nga umang adlawa, magsaulog ug ika-50 katuig ang GenSan kung asa adunay duha ka mga programa nga himuon nga pangunahan sa u aka civic military parade nga tambungan sa mga miyembro sa kapulisan, Militar, Philippine Coastgurad, local nga panggamhanan, NGO, NGA, Departamento sa Edukasyon, Pioneers ug mga pribadong establishemento.
Samtang pagka-alas 5 sa hapon, adunay pagahimuon nga Grand Anniversary ball nga ipahigayon sa us aka dakong mall sa dakbayan. Tema niini mao ang Black ug Gold.
Nag-unang bisita usab ang pamilyang Chongbian isip paghatag ug pagpasalamat kang James Chongbian, kanhing congressman nga maoy nahimong author pagsiak sa Gensan sa probinsya sa Sarangani nga maoy nahimong dalan aron kini ilhon isip Chartered City.
