Good news mga kasama. May lauman pa nga tabang gikan sa gobyerno ang mga empleyado sa pribadong sektor sa Rehiyon 12 kansang unang naapektuhan sa covid 19 pandemic, kini human minilyon nga pundo na usab ang gigahin sa Department of Labor and Employment kon DOLE Region 12 alang sa maong programa.
Nasayran nga mokabat sa 80, 825,000 Pesos ang gigahin sa DOLE ilawom sa Republic Act 11494 kon Bayanihan To Recover As One Act. Sumala pa nga P42, 825,000 ang gigahin sa CAMP FUNDS kung asa gibana banaang anaa sa 8, 565 ka mga empleyado nga wala makakuha sa unang implementasyon ang maka benipisyo niini.
Tag P5,000 ang madawat nga cash assistance ilawom sa COVID-19 Adjustment Measures Program kon CAMP. Giklaro usab ni DOLE 12 Regional Director Raymundo Agravante nga mamahimong prayoridad matud pa ang mga establishemento nga wala naka-avail sa CAMP 1 implementation ug ang nakarehistro online sa Establishment Report System pinaagi sa reports.dole.gov.ph,”
Samtang mokabat sa P38 million ang pundo alang sa DOLE-Tulong Panghanapbuhay para sa Ating Disadvantaged/Displaced Workers (TUPAD) program, ug anaa sa 8,012 ang mamahimong benepisyaryo gikan sa informal economy workers pinaagi sa 14-day cash for work.
