*Good news sa mga members kag pensioners sang GSIS!*
Mahimo na maka-apply sang calamity loan sa government service insurance system (GSIS) Iloilo ang mga government employees sang probinsya.
Ini ang ginkumpirmar ni GSIS branch manager Marciana Bata.
Suno kay Bata nagasugod na ang loan application kag magatapos ini sa Hulyo 25, 2019. Ang mga active members kag old age pensioners mahimo na maka-apply sang loan sa 17 ka wireless automated processing system ukon GW@PS kiosks sang GSIS sa probinsya.
Suno kay Marciana Bata, P40,000 ang mahimo ma-loan sang mga miembro kag pensioners kun may ara pa sila pending balance ukon wala naimpasan nga loan kag kon wala mahimo man sila makaloan sang P20,000.
Madumduman, madamo ang nagreklamo nga mga empleyado sang probinsya sa RMN Iloilo sa diin kalabanan sa mga ini mga manunudlo nga indi pa sila pwede maka-loan sa GSIS apisar ginpaidalom na sa state of calamity ang bilog nga probinsya sang Iloilo.
Paathag naman sang GSIS, may mga ginasunod nga polisa ang ahensya sa pagproseso sang calamity loan nga mahimo ma-avail sang mga government employees.
Photo from web
