Alas 4:18 sa hapon karong adlawa, Enero 8, gi-deklara sa Bureau of Fire Protection Regional Director nga si Samuel Tadeo nga “fire out” na ang sitwasyon sa Metro Ayala Department Store.
Fire out na gyud human sa halos 3 ka adlaw nga pagkombate sa mga firemen sa Sugbo kung diin miabot og Task Force Bravo ang sitwasyon sa sunog sa Metro Ayala Dept. Store nga nagsugod niadtong Biryenes, Enero 5, pasado alas 9 sa gabii.
Suma pa sa reports nga moabot og halos 100 million pesos ang danyos sa sunog. Apan maayo na lang nga walay na report nga namatay o naangol sa maong sunog.
Sa pagkakaron gisugdan na ang clearing operations sa maong mall.
Apan samtang nagpadayon pa ang imbistigasyon atoang balikbalikan og pasalamat ang BFP 7 ug tanang involved sa maong operasyon. Kudos, mga bayani sa Sugbo!
Idol, basig naa kay “thank you” message alang sa mga kabomberohan ug tanang volunteers. Paki-comment lang sa ubos.
