Epektibo karong adlawa mahimong nang P 305 ang inadlaw nga suhulan para sa mga empleyado sa pribadong sector dire na sa Caraga Region kini tungod sa dugang singko pesos nga ipatuman sa suhulan.
Kini ang gianunsyo ni RTWPB Board Secretary Early Dela Victoria sa gipahigayong press conference kagahapon.
Niya pa ang maong increase basi usab sa ulahing Wage nga giisyu sa RTWPB niadtong 2017 nga gipatuman sulod sa tulo ka hugna.
Madumduman nga unod sa maong wage order ang increase nga 25 pesos para sa mga minimum wage earners sa caraga nga gipatuman sa tulo ka hugna.
Gisugdan ang unang increase nga 10 pesos niadtong Disyembre 2017 , dugang 10 pesos niadtong Pebrero 2018 ug karong adlawa ang ikatulong hugna – ang 5 pesos increase.
Alayon gihapon sa kasaulogan sa Labor Day karong adlawa adunay gipahigayon karon nga Foot Parade gikan sa Guingona park padulong sa Oazis Hotel ning dakbayan sa Butuan.
Pamahayag ni DOLE Caraga Regional Director Chona Mantilla ipahigayon sab karong buntag ang jobs fair kung diin adunay kapin 23 thousand nga bakanteng trabaho ang mahimong aplayan ug kini ipahigayon sa Oazis hotel ingon man ang Business, Livelihood ug Promo Diskwento Fair.
Apan awhag sa opisyal sa mga mag-aplay nga dapat bitbit na niini sa ilang pag-apply ang mga importanteng dokumento.
Niya pa tungod sa gikareport nga mga kaso sa Child Labor sa rehiyon buksan sab karong adlawa sa ahensya ang slots alang sa Government Internship Program kun GIP.
Nasayran nga adunay 25 ka mga local employers ug dose ka mga overseas employers nga imbitado sa maong jobs fair.
Ang kasaulogan karon sa Labor day nagdala sa tema nga Pagpupugay sa Manggagawang Pilipino: Dangal ng lahi, kabalikat sa Progresibong Pagbabago.”
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
