Adunay dakung tulubangon ang mga opisyales sa kanhi-ay rehimen ni Pres. Benigno Simeon Aquino III gumikan sa ‘criminal liability’ niini gumikan sa Dengvaxia fiasco.
Kini maoy unod sa investigation report sa Senate Blue Ribbon Committee ubos kang Chairman Sen. Richard Gordon kinsa nisusi sa Dengavaxia gumikan sa reklamo sa mga ginikanan sa napatay atol sa kontrobersyal nga bakuna.
Matud ni Gordon, daku kaayo ang kargo ni Noynoy Aquino gumikan sa ‘malfessance and failure to observe due diligence’ sa dihang gipaluyuhan niini ang dengue mass vaccination program nga niresulta na hinoon sa kamatayon sa ubay-ubay nga mga kabataan.
Gawas kang Noynoy, ikiha usab sa gobyerno si former Health Secretary Janette Garin, former Budget Secretary Florencio Abad ug uban pang health officials gumikan sa pakigkonsabo sa kanhi presidente aron tugtan ang paggamit sa maong bakuna ug gumikan sa paggunit ug ‘multiple government positions.’
“Those who are accountable must be held to account…they are liable for graft,” panapos pa ni Gordon.
RadyoMaN June Duterte
