Gov Defensor, ipatawag ang mga general managers para sa assessment sang mga problema sa brownout

ILOILO – Igapatawag ni Governor Arthur Defensor Sr. ang mga electric cooperatives sa probinsiya sang Iloilo.

Ginsiling sang gobernador nga sa ikaduha nga semana sa bulan sang Agosto, iya gintalana nga makigsapol sa mga general managers sang mga electric cooperatives.

Suno sa gobernador, sa sinapol iya pangitaan sang report ukon assessment ang mga electric cooperatives natuhoy sa ginsaad sini nga hagan-haganon na ang problema sa madata nga pagpatay-sinde sang kuryente sa probinsiya.

Dugang pa ni governor Defensor, iya iga-validate ang mga assessment report sang mga electric cooperatives agud mapat-od kun bala matuod ukon binutig ang mga reports.