Gov. Marañon wala pa sang kaso, pagklaro sang complainant nga si Atty. Reyes

59

NEGROS OCCIDENTAL  –  Ginklaro sang isa ka nominal complainant nga si Atty. Brick Reyes nga wala pa sang official criminal complaint nga ginfile sa Office of the Ombudsman batuk kay Negros Occidental Gov. Alfredo Marañon, Jr. kag sa iban pa gid nga opisyal sang probinsya.

Ini ang may kaangtanan sa pagbakal sang provincial government sang duta sa banwa sang Murcia.  

Ginpahayag ni Reyes nga wala man sang administrative decision nga ginpagwa nga naga suspend sa gobernador ukon naga dismiss sa iya kag sa iban pa nga opisyal. 

Si Reyes ang nagfile reklamo batuk sa provincial government sang Negros Occidental angut sa ginbakal sini nga duta sa Brgy. Sta. Rosa, Murcia nga nagabalor P41.6 million pesos.

 

Suno kay Reyes nga preliminary investigation pa gid lamang ang nahimo sang Office of the Ombudsman kag wala pa na determine kon may probable cause.  

Ginklaro ni Reyes nga ang iya gid lamang posisyon amo ang issue sang pag-gamit sang pundo sang probinsya nga nabutang gid lamang sa “waste of public fund” bangud nga indi pwede ma transfer sa probinsya ang title matapos gindeclare sang Department of Agrarian Reform (DAR) nga ini ang cover sang Comprehensive Agrarian Reform Program (CARP).

Magluwas kay Marañon, dala man sa amu nga reklamo ang nagtaliwan na nga si Enrique Pinongan – former provincial administrator, Nilda Generoso– provincial treasurer, Lucille Chavez Pines – acting provincial accountant, Lilia Sandy – assistant provincial treasurer, Caroline Isuga – acting provincial accountant, Merlita Caelian – provincial assessor, Leoncio Garrucho Jr. – provincial engineer kag mga tag-iya sang duta nga sanday Albert Arguelles Jo, lakip man sanday George kag Gloria Arguelles.  /dyHB-BACOLOD



 

Facebook Comments