General Santos City— Walay lugar ang unsa mang terorsitang aktibidad sa probinsya sa sarangani. Kini ang gibutyag ni Sarangani Governor Steve Solon. Sumala niya nga aduna silay mga lakang nga ginahimo aron mabatukan ang terorismo sa probinsya.
Kung asa mismong ang moro people ang nagasupak sa samang mga aktibidad rason nga iyahang masulting dili kini gilayon nga makasulod sa probinsya. Gipaklaro man usab ni Gov. Solon nga sa probinsya sa sarangani, wala nay presensya sa Ansar Al Khilafa Philippines nga una ng gidumalahan ni Tokboy Maguid.
Samtang sa karon matud pa, wala silay namonitor nga presensya sa Bangsamoro Islamic Freedom Fighters kon BIFF sa lugar. Apan dili matud pa magkumpyansa ug magpabiling mabinantayon aron masigurong dili gyud malutsan.
Nanawagan man usab si Gov. Solon sa katawhan nga mutabang aron maangkon ang kalinaw sa tibuok rehiyon. Kung asa iyahang gi-awhag ang tanan nga maningkamot gyud ga mapugngan ang unsa mang dautang plano sa mga nagakalaban sa gobyerno.
Dako man usab ang pagpasalamat sa maayong relasyon sa kapulisan ug militar gumikan sa napabilin ang kahapsay ug kalinaw sa tibuok rehiyon.
