General Santos City—Gisaad ni Saranagni Governor Steve Chiongbian Solon nga ilang tabangan ang pamilyang namatayan ug 9 ka miyembro human nga natigayon ang maduguong disgrasya sa kadalanan sa National Highway, Barangay Batomelong, Gensan nga gikalambigitan sa Van ug Jeep niadtong Lunes sa hapon nga gikamatay sa 11 ka mga biktima.
Nasayran nga gimanduan na ni Governor Solon ang iyang mga sakop nga kuhaon nag tibuok detalye sa maong insidenti aron sa ingon makahimo gilayon sila ug lakang sa pagtabang ngadto sa pamilyang namatayan.
Kahinumduman nga mukabat sa siyam ang patay sa pamilyang Entero nga pulos taga Malungon, Sarangani Province kansa igo lang mitambong sa family Reunion sa Tantangan, South Cotabato apan pag uli sa mga nahisgutan aksidenting nabangga ang ilang gisakyang van ngadto sa nakasugat nga jeep nga miresulta sa madugoong aksidenti.
