South Cotabato–Gipaklaro ni South Cotabato Governor Reynaldo Tamayo nga dili siya supak nga iturn-over ngadto sa Department of Health (DOH) ang Upper Valley Hospital kon SOCCSKSARGEN General Hospital, sukwahi sa mga nanggawas nga taho nga matud pa siya nagdumili nga iturn-over ang pagdumala sa maong hospital ngadto sa national nga panggamhanan.
Matud niini nga kaniadto pa niya buot nga iturn-over ang maong balay tambalanan ngadto sa DOH apan dapat sundon ang tanang proseso sa pagbalhin niini. Daghan matud pa ug legalidad nga dapat sundon, aron nga dili usab mabutang sa alanganin ang iyang pagdumala higayon nga iagi sa shortcut ang pagbalhin sa Upper valley Hospital ngadto na sa DOH.
Dugang pagbutyag ni Governor Tamayo nga usa ka undersecretary sa Department of Health ang mitawag kaniya nga kuno ginapressure na kini sa Kongreso aron nga ibalhin na ang Upper valley Hospital sa pagdumala sa DOH. Tubag usab ni Governor Tamayo, ongoing na ang transition sa kasamtangan apan ang problema busy kanunay ang DOH-12 mao nga hinay ang dagan sa transition.
Kalabot niini, gihinganlan usab ni South Cotabato Governor Reynaldo Tamayo Jr. ang opisyal sa probinsya nga nagpaluyo sa pagpuga sa Kongreso ug IATF nga i-turn over na ang SOCKSARGEN General Hospital nga nahimutang sa lungsod sa Surallah ngadto na sa Department of Health Region 12. Si 2nd District Repre-sentative Ferdinand “Dinand” Hernandez matud pa ang maoy nagpaluyo sa maong isyu.
Kini human nga gitawagan matud pa kini sa usa ka Under Secretary sa Department of Health ug gikwestyon nganong wala pa na-turn over ang ospital. Samtang gitubag usab ni Congressman Hernandez ang nasangpit nga isyu gumikan nakalatid matud pa sa RA 11102 nga gi-aprubahan sa niadtong 2018 nga dapat adunay Regional Hospital ang SOCSKSARGEN ug motigbabaw matud pa ang balaud sa Memorandum of Agreement sa DOH ug Provincial Government bisan anaa pa kini sa 3 years nga transition period.
