Davao City – Upat (4) ka mga locally-stranded individuals (LSI) nga taga Davao de Oro gikan Cebu City ang nagpositibo sa Coronavirus Disease 2019 (COVID-19).
Sa interbyu sa DXDC RMN Davao kang Davao De Oro Governor Jayvee Tyron Uy, gibutyag niini nga 4 sa 35 katao sa maong grupo ang nagpositibo sa health screening sa ilang pag abot sa probinsya diin pulos ‘asymptomatic’ ang nahisgutan.
“Gikan sila’g Cebu then mga scholars ni sila sa Apex. Gisundo sila by land pauli. Group of 35 ni sila, initially, upat ang nag positive sa ilaha,” segun ni Uy.
Gibutyag ni Uy nga tulo (3) sa maong positibo taga Maco, Davao de Oro samtang ang usa (1) taga Mabini sa maong probinsya nga anaa na karon sa isolation facility.
Nasayran nga gipailawom karon ang Cebu City sa hard lockdown batok COVID-19.
RadyoMaN Kirby Manzon
