Padre muerto

Dead in arrival na hospital si Fr. Alfrefo Alabado del parroquia de Manicahan despues ya accidenta le miemtras ta maneha su Navarra Pickup typr truck na highway del Culianan del Miercoles serca man medianoche.
Na report del Culianan police ta aparese encamino ya el padre para na Manicahan y ele mismo el ta maneha consu vejiculo cuando ya lega na highway del Culianan donde bien escuru parte del calsada ya man bangga este na concrete barrier que ta sirbi como warning device del ta construji canal.
Por el fuersa del carera del vejiculo, ya cay el Navarra na mismo canal y ya machaca el adelante parte del vejiculo.
Yan ipit pa el padre y ya alcamsa mas de un hora antede puede saca conele y ya lleva na hospital.
Monton el dolorido de Manicahan y otro quien maga conose con el padre por el su muerte.