Gihimakak ni Gobernor Roberto Uy ang mga alegasyon nga ge bato kaniya nga matod pa aduna kini kalambigitan sa guinadiling droga lakip na ang mga pag patay dinhi sa Zamboanga del norte.
Sa nahimong pagdungog sa ika upat nga higayon mitambong na si Gov. Roberto Uy, gani gikabutyag niya kay Rep. De vera nga numero uno niyang kontra ang mga nagbaligya ug illegal nga droga, suko matod pa siya sa droga ilabi na nga daghan kaayong mga bata ang nadaot dinhi sa atong dakbayan sa Dipolog.
Dugang pa ni Gov. Uy nga awardee ang tibuok Zamboanga del norte sa tibuok Zamboanga Peninsula tungod sa taas nga apprehension sa droga niini.
Matod pa ni Uy nga gikabutyag sa mga police officer sa nangaging pagdungog nga ang droga gikan pa kini sa Cebu, Ozamis, Zamboanga, ug Dumaguete unya miabot kini sa Dapitan ug dili dinhi sa dakbayan sa Dipolog.
Wala usab siya’y nakita nga mga dagko nga druglord dinhi sa Dipolog pero naningkamot si gobernor Uy nga masumpo na sa hingpit ang droga sa Zamboanga del norte, ilabi na nga gikan pa sa nagkadaiyang lugar.
