Dipolog City-Gipasalamatan ug gidayeg ni Zamboanga del norte Gov. Roberto Y.Uy ang usa ka maglalangoy nga garbo dinhi sa dakbayan sa Dipolog ug myembro kini sa Phlippine Swimming League (PSL).
Dakong garbo kini si Ms Kiara Ramielle G. Eroy, 13 anyos ang lumolopyo mismo dinhi sa dakbayan sa Dipolog.
Si Eroy naka kuha kini ug silver medal sa usa ka kompetisyon nga 50m butterfly (13-15) yrs old category) atol sa Hamilton Aquatics winter long Course 2018.
Didto kini gihimo sa Hamdan Bin Mohammed Bin Rashid Sports Complex, Dubai UAE sa miaging bulan sa Desyembre 2018
Gikalipay sa gobernador ang resulta sa maong kompetisyon, ug nanghinot siya nga magpadayon kini si Eroy ug mamahimong ehemplo sa uban pang mga swimmer dinhi sa probinsya sa Zamboanga del norte.
Mihatag ang gobyerno ug P25mil nga cash incentive ngadto kang Ms Eroy, isip pahalipay sa iyang nahimong kalampusan ug nag representar dinhi sa dakbayan sa Dipolog City ug probinsya sa Zamboanga del norte.
