Gitambungan ni Gov. Roberto Y. Uy ang seminar sa Federalism nga gipahiyon didto sa convention & sports center. Kini human iyang gi imbitahan si Usec. Ryan L. Estevez nga mao ang Presidential Legislative Liaison Officer ni pangulong Rodrigo Duterte para mo pasabot sa Federalism.
Anaa usab ang presensya sa mga Mayor sa Zamboanga del norte uban ang ilang mga bise mayor ug pipila ka mga opisyales sa ilang kalungsuran aron sayran usab ang kalabot sa pederalismo.
Suportado nila matod pa si Pang. Duterte sa mga plano niini kun unsaon pagpa lambo ang atong nasud.
Kahinumduman nga si Gov. Uy gikan kini sa Liberal Party (LP) niadtong miaging eleksyon apan karon mi tapon na kini sa PDP laban human naka panumpa ngadto kang Senate President Koko Pimentel dili palang dugay.
Ubay usab nga mga mayor ug board member ang mi tabok na sa PDP laban karong panahuna aron matod pa mo suporta kang digong gawas lamang ni Dipolog City Mayor Dexter U yang wala pa mi balhin sa PDP-laban.
mao kini karon ang dakong isyu sa Zamboanga del norte kay ang ilang mga kaatbang nanumpa usab sa pdp-laban pinaagi ni House Speaker Pantaleon Alvarez. Apan matod pa ni Gov. Uy nga ang ilang pagtabok sa bando ni Duterte mao ang pagsuporta niini sa iyang mga programa ilabi na ang pederalismo.
Lauman usab nato nga dili lang kini ang una ug katapusan nga Orientation and seminar sa Federalism dinhi sa Zamboanga del norte.
