Government agencies, dapat magbuligay kontra dengue – Councilor Distrito

29

Gina-hangyo sang Sangguniang Panlungsod si Mayor Evelio “Bing” Leonardia nga mag-himo na sang tikang angot sa padayon nga pagsaka sang kaso sang dengue sa syudad sang Bacolod.

Sa record sang City Health Office, as of June 22, ang Bacolod City ang may 477 ka kaso sang dengue nga mas mataas naman sang 65.1 percent ikumpara sa 289 cases sa kaangay nga period nagligad nga tuig.


Bangud sini nag-file sang resolution si Councilor Simplicia Distrito, nga naga-hangyo sa City Mayor’s Office nga dapat pangunahan ang kampanya kontra dengue kaupod sang CHO, City Environment Natural Resources Office kag City Disaster Risk Reduction and Management Office.

Suno kay Distrito nga dapat mangin aktibo ang mga concerned offices batok sa dengue particular ang pagpatigayon sang information and education campaign, de-clogging ukon fogging operations.

Dugang pa ni Distrito,”We are in the rainy season as of the moment, thus prevention and mitigation programs should be done as soon as possible, considering that the abundance of rain results in a high population of mosquitoes, particularly the ones carrying the dengue virus”.

Nahibalu-an nga sa record sang CHO, tatlo na ang patay bangud sang dengue fever sa Bacolod.

CNN Philippines Photo

Facebook Comments

From Advertisers