Davao City – Posibleng mag atubang og silot ang usa ka driver nga iligal nga nag-park sa sakyanan atbang sa usa ka kan-anan ug nakaharang sa uban pang mga sakyanan niadtong adlawng Martes sa downtown ning syudad.
Sumala ni City Administrator Lawyer Zuleika T. Lopez nga iyang gimanduan ang Human Resource and Management Office (HRMO) sa lokal nga gobyerno sa syudad aron imbestigahan ang maong panghitabo ug magpasa og rekomendasyon sa posibleng pagpahamtang og silot kang Roberto Limboy, usa ka driver ug nadesignar City Engineer’s Office (CEO).
Dugang niya nga ang maong panghitabo usa ka pahinumdom ngadto sa tanang empleyado sa gobyerno nga kanunay mutrabaho isip professional diin og magkinaunsa man aduna kini epekto sa imahe sa lokal nga gobyerno.
Samtang gibutyag ni HRMO head Erwin Alparaque nga iya ng gihatagan og higayon ang driver nga muhatag usab sa iyang bahin kalabot sa insidente ayha muhimo og sunod nga lakang apan matud pa nga posibleng matanggal si Limboy og mapamatud-an sa imbestigasyon nga nakalapas sa balaod ang maong empleyado sa gobyerno.
Kahinumduman nga nag-viral ang video sa maong insidente sa social media nga gisaway sa mga netizens.
RadyoMaN Renz Barbarona
