Government peace panel, malaumon pa gihapon nga mapadayon ang peace talk

Bukidnon – Giklaro ni Government Chief Negotiator ug Labor Secretary Silvestre “Bebot” Bello III nga wala pay formal notice of termination sa peace talks nga gihatag si Pangulong Rodrigo Duterte sa National Democratic Front (NDF.

Sa interview sa RMN Malaybalay ngadto kang Sec. Bello gibutyag niini nga pinaka-ulahing gipahayag sa pangulo nga dili na siya gustong makighinabi pa sa mga komunista.

Matud ni Sec. Bello nga gipaabot pa nila ang guidance ni Pangulong Duterte kalabot sa sunod nga lakang.


Gipasabot niya nga base sa joint declaration, magpadayon ang peace talk hangtod nga walay written notice of termination, nga nagpasabot nga kinahanglan silang magpadala una ug sulat sa CPP-NDF nga nagpahibalo nga i-terminate na ang hisgutanang pangkalinaw.

Kung adunay written notice of termination, paghuman sa 30 ka adlaw human nga madawat sa NDF, ikonsidera na kining terminated.

Apan malaumon pa gihapon si Bello nga adunay mahitabo nga development ug subling mabalik ang hisgutanang pangkalinaw.

Una na matud pang gipahayag ni Pangulong Duterte nga iyang tinguha nga makab-ot ang kalinaw sa nasud ilawom sa iyang administrasyon.

Samtang sa interview sa RMN ngadto kang Ka Malem Mabini, tigpamaba sa New People’s Army – North Central Mindanao Region kon NPA-NCMR gibutyag ninini nga andam na silang daan kung hingpit nang ikansela ang peace talk.

Gidepensahan pa niya ang ilang gihimo nga pagpangatake diin gi-ingon ni Mabini nga kabahin matud pa kini sa ilang pagsupak sa gideklarang martial law.

Nagtoo matud pa sila nga dili lang ang mga Maute Group- ISIS ang target sa balaud militar kon dili apil matud pa sila.

Facebook Comments